لیژنەی دارایی پەرلەمانی عێراق ئامادەکاری بۆ میوانداریکردنی بەرپرسانی دارایی دەکات، بۆ روونکردنەوەی گفتوگۆکانی بەغدا لەگەڵ سندوقی دراوی نێودەوڵەتی و ئەگەری وەرگرتنی قەرز.
دیلان غەفوور، ئەندامی لیژنەکە، لە لێدوانێک بۆ رۆژنامەی “سەباح”، کە ئەمڕۆ سێشەممە، 20ی ئۆکتۆبەری 2026 بڵاوکراوەتەوە، وتوویەتی عێراق داوای بەشداری لە بەرنامەیەکی سندوقەکە کردووە کە دەتوانێت دەرگای دابینکردنی دارایی و قەرز بکاتەوە.
بە وتەی دیلان غەفوور، لیژنەکە بەرپرسانی پەیوەندیدار بەو گفتوگۆیانە بانگهێشت دەکات، بۆ وەرگرتنی زانیاریی زیاتر و تاوتوێکردنی ئەو پلانانەی کە بتوانن پێویستی بە قەرزکردن کەم بکەنەوە.
باقر یاسری، ئەندامێکی دیکەی لیژنەی دارایی، بە هەمان رۆژنامەی وتووە لیژنەکە لە بارەی قەرزکردنەوە ئاگادار نەکراوەتەوە و راوێژی پێ نەکراوە. ئەو هۆشداری داوە کە مەرجەکانی قەرز دەتوانن کاریگەری لەسەر ئابووری و ژیانی هاووڵاتییان هەبێت.
یاسری هەروەها وتوویەتی بەرزکردنەوەی نرخی دۆلار بەرامبەر دینار بۆ خۆپاراستن لە قەرزکردن بووە.