بەپێی راپۆرتی واشنتن پۆست، سکۆت بێسنت، وەزیری دارایی ئەمریکا، بە پشتگیریی دوناڵد ترەمپ، داوای لە چین کردووە کاریگەریی خۆی لەسەر ئێران بەکاربهێنێت بۆ کۆتاییهێنان بە شەڕ.
بەرپرسێکی ئەمریکی وتوویەتی پەکین پەیامی واشنتنی گەیاندووەتە تاران، بەڵام وردەکاریی وەڵامی چین یان ئێران بڵاو نەکراوەتەوە.
هەمان راپۆرت دەڵێت جەی دی ڤانس، جێگری سەرۆکی ئەمریکا، لە هەوڵە دیپلۆماسییەکاندا رۆڵی سەرەکی دەبینێت و مانگی رابردوو نامەیەکی بۆ موحسین رەزایی، بەرپرسی ئەمنیی ئێران، ناردووە بۆ دەستپێکردنەوەی پەیوەندییەکان.
عەلی ئەلسەوادی، بەرپرسی قەتەری و ناوبژیوانی نێوان واشنتن و تاران، وتوویەتی بەرپرسانی ئێران چاوەڕێی ئەوەن بزانن ئایا ئەنجامی هەڵبژاردنی ناوەڕاستی ئەمریکا هەڵوێستی واشینگتن دەگۆڕێت یان نا.
ئەو وتەیەی بەرپرس قەتەرییەکە لە چوارچێوەی راپۆرتی واشنتن پۆستدا هاتووە، نەک وەک راگەیاندنێکی فەرمیی حکومەتی ئێران.