
نرخی زێڕ ئەمڕۆ چوارشەممە، 18ی تشرینی دووەمی 2026، بەهۆی بەهێزبوونی دۆلار و چاوەڕوانیی زیادکردنی سوودی بانکی لە ئەمریکا، نزیکەی دوو لە سەد دابەزی.
بەپێی رۆیتەرز تاوەکو بەیانی ئەمڕۆ هەر ئۆنسەیەک زێڕ بە 3,777.83 دۆلار مامەڵەی پێکراوە، ئەمەش نزمترین ئاستە لە ئەیلوولی 2025ەوە.
بەرزبوونەوەی سوودی بانکی ئارەزووی وەبەرهێنان لە زێڕ کەم دەکاتەوە، چونکە زێڕ خۆی سوودی بانکی نادات. هاوکات، بەهێزبوونی دۆلار کڕینی زێڕ بۆ خاوەن دراوەکانی دیکە گرانتر دەکات.